ه‍.ش. ۱۳۸۷ دی ۱۸, چهارشنبه

خود کش حملہ یا جان فدا بیڑ؟ چمشانک: ولید گربنی

[ghafoor.jpg]

دسمبر 29، سال 2008ءَ صحبءِ کلاک 7:20ءَ بلوچ سرمچار عبدالغفور ریگی چہ شوروا پرّین گاڑییے زرتگ و سراوانءَ إیرانی فوجءِ مرکزا پُتـِرتگ أت، و ھمودا گون وت ھؤر گاڑی ئی تراکینتگ أت۔ إے بیڑا برگءِ وھدا مرکزءِ توکا إیرانءِ فوجی وتی ھفتگی پریڈا دستگٹ بیتگ أنت۔ پمیشا چہ آوان بازین کس کشگ و یا ٹپـّی بیتگ أنت۔
چه إیشی پد ھرجاہ حال شنگ بیت کہ جنداللہءِ وتکس بیڑےءَ إیرانی فوجءِ بازین أفسر کشگ بیت أنت۔ لھتے جاھان 205، جاھے 6 و مان کوئٹہ إیرانءِ سفارتکارےءَ مرتگین مردم 45 کس ذکر کت أنت و صد کسا گيئشءِ ٹپـّی بیگءِ خبر ئی ھم حالکاران دات۔ بلوچی نیوز إے خبرا یکـّوئی رندگری کنگا بیتگ و جنداللہءِ بیانءِ لھتے ٹکـّر ھم بلوچیءَ ترّینتگ و شنگ کتگ أنت۔
جنداللہ وتی بیانا داتگ أت کہ بیڑ بروک عبدالغفور ریگی و جنداللہءِ سروک عبدالمالک ریگیءِ برات بیتگ۔ دیمترا آوان نبشتہ کتگ کہ مان زابل سنـّیانءِ مسیتا پروشگءِ بیئڑا گرگءِ مقصدا إے بیڑ برگ بیتگ۔
بازین کسان بلوچستانءِ تاریخءِ دفتر چار إت۔ آوان سرپدی رست کہ دشمنانءِ سرا چشین بیڑ برگءِ درور ھچ جاہ ودی نہ بیت۔ إے ڈولا وتی درورین إے أولی بیڑ حساب إبیت۔
نین گپ إدا سر بیت کہ بارین إیشی وتکش حملہ گشگ بیت کنت یا دگہ نامے دیگ بہ بیت۔ ھمے ردا "گزین" نامین مئے پھته کار و بلوچی زبانءِ زانوگرین سنگتےءَ گشتگ أت کہ إے ڈولین ھیلگر 'جانفدا' ھیلگر یا بیڑبر گشگ بہ بنت۔ پرچا کہ إے وتی جانا پہ وتی مردمانءِ آسودگیا و زوراکیانءِ ولگوج کنگا فدا کن أنت۔
من ھم گون واجہ گزین ھم خیالان۔ ھنچوش کہ واجھا سرکچ داتگ؛ خودکش کنوک ھما أنت کہ وتی جندا کش أنت۔ آ کہ پہ خاصین مقصدےءِ پیلو کنگا بیڑ بَر أنت و زان أنت کہ آوانءِ جند ھم کشگ إبیت؛ فداکار گشگ بہ بنت۔ بزان پہ کارےءَ وتا کوشارین أنت یا فدا کن أنت۔
جانفداکارین شھید عبدالغفور ریگیءِ مقصد ھرچے بیتگ آئیءِ نتظیمءِ خبرا گـُڈگ وا روا نہ إنت، ألبت إے گـُشگ ضروری إنت کہ گون إے بیڑءِ برگا بازین خونوار چہ بلوچستانءِ پاکین سرڈگارا آئی بنگوج کت أنت۔ إیشیءِ برکتا بازین دل سارت بیت أنت و بازین مات، پت، جنوزام و چوروانءِ نیکین دعا گون شھید عبدالغفور ریگی ھمراہ أنت۔

balochinews

هیچ نظری موجود نیست: